Македонија ЃП објави дека по завршувањето на првиот дел од сезоната ја прекинува соработката со четири фудбалери.
Андреј Јаго, Ристе Темелков, Филип Алексовски и Кристијан Стојкоски во продолжението од сезоната нема да бидат дел од тимот од Ѓорче Петров и може без проблеми да ја сменат средината.
Од управата на клубот на играчите им се заблагодарија за нивниот придонес во изминатиов период и им посакаа успех во продолжението од кариерата.
Македонија ЃП првиот дел од шампионатот го заврши на десеттата позиција со вкупно 18 бода, а обезбеден е и пласман во полуфиналето од Купот на Македонија, натпреварување во кое екипата од Ѓорче Петров триумфираше во последните две изданија.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.