Фудбалската федерациија на Турција донесе одлука да ги суспендира сите натпревари од Супер лигата поради синоќешниот инцидент, кога претседателот на Ангарагучу, Фарук Коча физички го нападна судијата Халил Умут Мелер.
Анкарагучу прими гол во 97.минута од Ризеспор па натпреварот заврши со резултат 1-1 во рамки на 15.коло во Супер лигата. Претседателот на домашниот тим, Коча по последниот свиреж на судијата влезе на теренот и го удри Мелер со тупаница во главата. Неколку блиски соработници на првиот човек на Анкарагучу исто така го удираа судијата додека лежеше на тревата. Фудбалерите и останатите официјални лица спречија посериозен инцидент.
Turkish Football is absolutely mental. The Turkish FA has now suspended all leagues after Ankaragucu’s president Faruk Koca punched the referee in the face at the full time whistle of their Super Lig home match against Rizespor. 😶😶😶 pic.twitter.com/uwwqnhNZaa
— OLBG.com (@OLBG) December 12, 2023
Првиот човек на Турската фудбалска федерација, Мехмет Бујукекши на прес-конференција синоќа веднаш објави дека сите натпревари од елитната лига се одложени на неодредено време и го осуди инцидентот. Реагираше и турскиот претседател, Таип Реџеп Ердоган, како и првиот човек на ФИФА, Џани Инфантино кои го осудија инцидентот.
Првиот човек на Анкарагучу е уапсен од турската полиција, како и соучесниците во нападот на судијата Мелер, кој е интернационален судија со знакот на ФИФА. Против напаѓачите ќе бидат покренати обвиненија, но засега не е јасно кога ќе продолжи турскиот фудбал.