Поранешниот репрезентативец на Италија, кој во моментов го носи дресот на Лос Анџелес, Џорџо Кјелини најави дека постои голема веројатност да стави точка на богатата кариера.
По поразот во решавачкиот дуел за титулата во МЛС, тој изјави дека можеби ова бил и последен натпревар во кариерата која трае повеќе од две децении.
“Ова беше едно прекрасно патување. Реков и вчера дека еден од двата тима мора да биде поразен. Што се однесува до мене ова можеби и ми беше последен натпревар. Имам потреба да уживам со семејството, но конечната одлука ќе ја донесам по враќањето во татковината. Не сакам да донесам одлука па потоа да се премислам”, рече Кјелини.
Еден од најдобрите дефанзивни фудбалери кариерата ја почна во Ливорно по следуваше трансфер во Фиорентина, а од 2005 го носи дресот на Јувентус.
За Старата дама тој има одиграно преку 500 натпревари и за 17 години освои 20 трофеи.
ФОТО: Игор Паневски