Утринава во Мајами беше извршена ждрепката за групите на претстојното јужноамериканско фудбалско првенство или популарно наречено Копа Америка 2024 година. Турнирот ќе се одржи во САД од 20 јуни до 14 јули следната година.
Групата А ја предводи актуелниот светски првак Аргентина, а тука се уште и селекциите на Чиле и Перу, додека четвртиот тим ќе биде познат по плејофот во кој играат Канада и Тринидат и Тобаго.
Мексико, Еквадор, Венецуела и Јамајка се најдоа во групата Б. Домаќинот на турнирот, САД ќе игра во групата Ц, заедно со Уругвај, Панама и Боливија. Бразил е главниот фаворит во групата Д, каде за противници ги доби Колумбија и Парагвај, а последниот ривал ќе биде победникот од плејофот помеѓу Костарика и Хондурас.
Првите две репрезентации од секоја група ќе се пласира во осминафиналето. Финалето е на 20 јули на стадионот „Хард Рок“ во Мајами.