Фудбалските асоцијации на Белгија, Германија и Холандија поднесоа заедничка кандидатура за организација на Светскиот шампионат во женска конкуренција што ќе се одржи во 2027 година.
Покрај трите земји од Европа во конкуренција за домаќин на Мундијалот е Бразил
Рокот за поднесување кандидатура заврши денеска, а Мексико и САД покажаа интерес за организација но, не влегоа во конкуренција за потенцијални домаќини на првенството.
Меѓу кандидатите беше и Јужна Африка која пред еден месец ја повлече понудата со најава дека повторно ќе влезе во трката за шампионатот во 2031 година.
Конечната одлука за тоа кој ќе го организира Светското првенство во женска конкуренција во 2027 година, ФИФА ќе решава во јуни следната година.
ФОТО: Игор Паневски