Првата исторска трка во Лас Вегас во Формула 1 донесе интересна и возбудлива трка, но на крајот победникот беше истиот како и речиси цела сезона, Макс Ферстапен.
Трикратниот светски шампион во болидот на Ред Бул се врати од казна од пет секунди и откако падна на петтото место. Холанѓанецот прв ја мина целта низ улиците на Лас Вегас за 18-та сезонска победа. Зад него финишираше освојувачот на пол-позицијата Шарл Леклер од Ферари, додека трет беше Серхио Перез од Ред Бул.
Естебан Окон од Алпин го освои одличното четврто место, зад него беше Ленс Строл од Астон Мартин, потоа следуваше пилотот на Ферари, Карлос Сајнц и двоецот на Мерцедес, Луис Хамилтон и Џорџ Расел. Последните поени ги освоија Фернандо Алонсо и Оскар Пиастри.
Последната сезонска трка се вози за Големата награда на Абу Даби веќе следниот викенд.