Шарл Леклер ќе стартува од пол-позицијата за првото историско гран при на Лас Вегас во рамки на Формула 1 шампионатот.
Ферари имаа одлични времиња во текот на тренинзите, а брзинаа ја потврдија двајцата возачи за време на утринските квалификации низ улиците на најкоцкарскиот град во светот. Леклер оствари време од 1:32,726 минути, додека неговиот тимски колега Сајнц беше побавен за половина десетинка.
Сајнц сепак утре ќе стартува десет позиции подолу поради казна што ја доби за промена на моторот по несреќата на петочните тренинзи. Трето најдобро време имаше шампионот Макс Ферстапен од Ред Бул. Зад него ќе тргне Џорџ Расел, петто време имаше Пјер Гасли, а најдобрите десетмина ги комплетираат Александер Албон, Логан Сарџент, Валтери Ботас, Кевин Магнусен и Фернандо Алонсо.
Трката за Големата награда на Лас Вегас стартува утре во 7 часот наутро.