Макс Ферстапен им се врати на победите во Формула 1 по пауза од еден викенд, па утринава дојде до триумф на трката за Големата награда на Јапонија. Ред Бул и математички ја обезбеди титулата кај конструкторите.
Ферстапен ја имаше пол-позицијата на патеката „Сузука“ и освен заканата на двата Мекларени на стартот, потоа Холанѓанецот имаше удобна и убедлива трка без посериозни проблеми. До 13-тиот триумф сезонава дојде пред двајцата возачи на Мекларен, Ландо Норис и дебитантот Оскар Пиастри, кој за прв пат се искачи на подиумот.
Шарл Леклер од Ферари беше четврти, а зад него финишираше Луис Хамилтон. Потоа следуваат Карлос Сајнц, Џорџ Расел, Фернандо Алонсо и најдобрите десетмина ги комплетираат двајцата возачи на Рено, Естенам Окон и Пјер Гасли.
Во генералниот пласман Ферстапен има 400 бодови на врвот, додека неговиот тимски колега Перез има 223, а Хамилтон е трет со 190. Следната трка се вози во Катар на 8.октомври, а интересно Холанѓанецот може да дојде до шампионската титула што би била трета по ред за него во Формула 1 шампионатот.