Даниел Рикардо и следната сезона ќе му биде тимски колега на Јуки Цунода во Алфа Таури, потврди тимот денеска. Австралиецот сезоната ја започна како резервен возач во Ред Бул, но доби шанса да вози во сестринскиот тим по разочарувачките настапи на Ник де Врис.
Искусниот 34-годишен возач моментално се опоравува од повредата на раката што ја заработи за време на петочниот тренинг пред трката за Големата награда на Холандија.
Негова замена моментално е Лијам Лосон, кој исто така импресионираше на последните три трки. Тој ќе остане во тимот, но повторно како резервен возач. Засега нема информација, кога Рикардо ќе може повторно да се врати во болидот на Алфа Таури сезонава, бидејќи сè уште се рехабилитира од операцијата на раката.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.