Претставници Ливерпул водат интензивни преговори со Пари Сен Жермен за евентуално позајмување на Килијан Мбапе во следниве 12 месеци.
Клубот од Енфилд веќе подолг период се споменува како една од опциите за продолжување на кариерата на францускиот репрезентативец, а трансферот се поврзува со спонзорот на двната клуба компанијата Најк.
Преселбата во Ливерпул е една од најдобрите опции за Мбапе кој се чини дека поради сето она што се случуваше во последниве месеци тој нема често да биде на теренот и токму трансферот на Енфилд може да биде вистинско решение.
Сепак во целата сага во ниту еден момент не може да се исклучи Реал Мадрид, кој би сакал да го ангажира Французинот уште во текот на овој преоден рок и е подготвен да плати обештетување од 200 милиони евра.
Кралскиот клуб би сакал да го реши проблемот уште ова лето бидејќи следната година ќе има уште еден конкурент за ангажирање на Мбапе, а тоа е Ливерпул кој на шест месеци пред позајмицата може да почне преговори за продолжување на соработката со Мбапе.
ФОТО: Игор Паневски