На шестиот ден од третиот Гренд слем во сезоната што се одржува на терените на Ол Ингланд клубот во Вимблдон дождот повторно им прави огромни проблеми на организаторите.
До овој момент завршени се само два меча во женска конкуренција во кои Беатриз Хадад Маја од Бразил во два сета со 6:2 и 6:2 триумфираше над Сорана Кристеа додека Екатерина Александрова исто така со 2:0 по сетови 6:0 и 6:4 славеше над Унгарката, Далма Галфи.
Мечеви во моментов се играат само на централниот и теренот број 1 каде Данил Медведев води жестока битка со Мартон Фусович додека Карлос Алкараз за противник го има Николас Хари од Чиле.
Кај дамите прекинат е мечот меѓу Петра Квитова и Наталија Стевановиќ во кој чешката тенисерка води по првиот сет, а во вториот србинката има предност од 5:4.
На нашкиот дел од турнирот соочувањето меѓу Јиржи Лехечка и Томи Пол е прекинато при водство на Чехот од 2:0 додека Кристофер Јубенкс и Кристофер О’Конел одиграа само два гема.
ФОТО: Игор Паневски