Лучијано Спалети го напушта Наполи по освојувањето на шампионската титула во Серија А, трета во историјата на клубот, а прва по 1990 година. Заминувањето на тренерот го потврди и претседателот на клубот Аурелио де Лаурентис.
„Спалети ми рече дека сака да земе одмор од фудбалот, како би можел да му кажам не? Тој ми даде толку многу и јас му се заблагодарив“, рече првиот човек на „наполитанците“.
Тоа значи дека Елиф Елмас и другарите летово ќе добијат нов тренер. Еден од главните кандидати за клупата на стадионот „Диего Армандо Марадона“ е Луис Енрике, но тој е цел и на Тотнем.
Од италијанските стратези веќе се споемнуваат и имињата на предводникот на Фиорентина, Винченцо Италијано, како и искусниот Џанпјеро Гасперини од Аталанта.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.