Килијан Мбапе синоќа четврти пат по ред ја доби наградата за најдобар фудбалер во Лига 1. Со 28 голови сезонава тој воедно е и најдобар стрелец во француската елита.
Во својот говор при примањето на наградата потврди дека планира да го испочитува својот договор и следната сезона ќе игра за ПСЖ.
„Следната сезона ќе играм за ПСЖ. Имам уште една година од договорот и ќе го испочитувам тоа“, рече францускиот напаѓач.
Тој во договорот со ПСЖ има опција за продолжување на соработката на уште една сезона до јуни 2025 година, но Мбапе не е расположен да ја активира, бидејќи планира да си замине од Париз следното лето.