Македонската железница никако да се опорави. И во последниот извештај на министерството за финансии за четвртиот квартал од 2022 година, претпријатието е со најголема загуба. МЖ Транспорт, годината ја затвори со негативни финансиски резултати во работата. Загубите изнесувале 3, 6 милиони евра.
Резултатите за МЖ Транспорт во овој квартал се полоши од претходниот.
Ова прептијатие пред извесно време имаше и проблеми со долговите за струја. Веќе подолг период, МЖ Транспорт има потешкотии во работењето.
Во овој период според извештајот на финансии, има и неколку други државни и јавни претпријатија или АД во државна сопственост, кои имале негативен финансиски резултати.
Полошо од третиот квартал сработеле и воздухопловната навигација М- НАВ, која во послендиот квартал лани регистрирала загуба од 2,2 милиони евра. Но, и АД Државна лотарија. И тука расходите се поголеми од приходите.
Во извештајот од финансии, со негативни финансиски резултати се и ЈП Злетовица – Пробиштип, ЈП Стрежево -Битола, Борис Трајковски, АД за стопанисување со деловен простор во државна сопственост, ЈП Колекторски систем- Скопје, АД Аеродроми, ЈП за водостопанство Лисиче- Велес.
Ирена Чачкова