Познати се групите за првата фаза од Светското првенство во кошарка во машка конкуренција што ќе се одржи во Јапонија, Индонезија и Филипини.
Жрепката одреди во првиот круг да се соочат селекциите на САД и Грција, а во конкуренција за првите две места од оваа Ц група се уште националните тимови на Нов Зеланд и Јордан.
Интересна битка за освојување на првата и втората позиција ќе се води и во Х групата каде покрај Канада и Франција во трката се репрезентациите на Летонија и Либан.
Неизвесна борба се очекува и во Е групата каде покрај домаќинот Јапонија, кој е аутсајдер во конкуренција се Австралија, Германија и Финска.
Според системот на натпреварување, двете првопласирани од секоја група продолжуваат во следната фаза каде тимовите ќе бидат поделени во четири групи по четири, а место во четвртфиналето обезбедуваат освојувачите на првите две позиции.
Осминафиналните групи ќе се играат во сите земји домаќини (две во Филипини, една во Јапонија и Индонезија), а елиминациската фаза ќе се игра на Филипините.
Светскиот шампионат се игра од 25 август до 10 септември.
КОШАРКА СП – ПРВА ФАЗА
А ГРУПА (Филипини / Бокауе – Кезон Сити)
Филипини, Италија, Доминиканска Република, Ангола
Б ГРУПА (Филипини / Кезон Сити)
Србија, Порторико, Кина, Јужен Судан
Ц ГРУПА (Филипини – Пасај)
САД, Грција, Нов Зеланд, Јордан
Д ГРУПА (Филипини – Пасај)
Литванија, Црна Гора, Египет, Мексико
Е ГРУПА (Јапонија – Окинава)
Јапонија, Германија, Финска, Австралија
Ф ГРУПА (Јапонија – Окинава)
Словенија, Грузија, Венецуела, Зеленортски Острови
Г ГРУПА (Индонезија – Џакарта)
Шпанија, Бразил, Иран, Брег на Слонова коска
Х ГРУПА (Индонезија – Џакарта)
Франција, Канада, Летонија, Либан