Mакедонија ја намалува завосноста од руски гас. Денеска во Софија државните „ГА-МА“ и „Булгартрансгаз“ потпишаа договор со кој се зголемува притисокот во гасоводот кој ги поврзува двете држави преку интеконекторот „Ќустендил – Жидилово“. Со ова се зголемува протокот на гас за 500 илјади нормални метри кубни гас и вкушниот капацитет ќе биде нешто над 3 милиони нормални метри кубни гас.
Македонија и Бугарија потпишаа договор со кој диверсификацијата на пазарот за гас е чекор поблиску. Државаните „ГА-МА“ и „Булгартрансгаз“ постигнаа договор за меѓусистемско поврзување за снабдување и дистрибуција на гас на интерконекторот „Ќустендил-Жидилово“. Со договорот се предвидува зголемува на притисокот на компресорската станица односно количините на гас кои може да минат низ интерконекторот и се отвара можност за снабдување од други извори.
Договорот кој стапува на сила од 1 јануари идната година предвидува зголемување на притисокот на компресорската станица со што капацитет на испораката ќе се зголеми за 500 илјади нормални кубни метри гас и ќе биде 3 милиони а тоа отвара можност за ослободување на дополнителни и доега неискористени капацитети.
Со договорот се предвидува зголемувањето на опсегот на дозволениот состав на гасот и се изедначуваат дозволените вредности на составот на гасот како што се во Грција и Бугарија.
Исто така се менува и методологијата за пресметка на количината на гас и начинот на определување на квалитетот на гасот па отсега наместо во кубни метри ќе се пресметува во киловат часови. Се менува и времето на почеток на гасен ден од сегашниот 8 часот навечер на 6 часот попладне согласно нормите на ЕУ.
До 1 јануари и стапување на сила на договорот двата оператори ГА-МА и Булгартрансгаз ќе го користат како тест период а дотогоаш се очекува и потпишување на договори со нови снабдувачи.
Огнен Чанчаревиќ