Три фирми се во игра за избор на надзор на конзорциумот Бехтел и Енка, кој ќе ги гради четирите автопатски делници од Коридорите 8 и 10. Понудите денеска беа отворени во Јавното претпријатие за државни патишта. Бараат надзорот да го вршат за сума од над една милјарда денари
Понудите, што беа отворени денеска во Јавното претпријатие за државни патишта, се од фирмата „INGEROP CONSEIL ET INGENIERIE“ која конкурира со 1.106.040.600 денари, друштвото „IRD ENGINEERING“ со понуда од 1.374.304.070 денари, како и „ХИЛ ИНТЕРНАЦИОНАЛ“, со понуда од 1.533.721.722 денари, велат од ЈПДП.
Министерот за транспорт и врски, Благој Бочвараски од Свети Николе истакна дека по отвоарањето на понудите ќе следи и одредена постапка за избор.
Ова е втор повик за избор на надзор за Кордидорите 8 и 10, откако првиот пропадна, бидејќи избраната фирма не доставила банкарска гаранција. Изградбата на автопатските делници Прилеп-Битола, Тетово-Гостивар, Гостива-Кичево и Требеништа-Струга-Ќафасан се очекува од наредната година. Според Бочварски прва и најлесна делница од аспект на експропријација на земјиштетот е Гостивар-Кичево, а се очекува најдолго да трае постапката за делницата Требеништа-Струга-Ќафасан, за неа државата ќе мора да добие и мислење од УНЕСКО, бидејќи трасата поминува покрај Охридското езеро.
Викторија Димитрова Јованова