Министерот за економија Бектеши, директорот на МЕПСО Орхан Муртезани и на НЕР Бајрам Реџепи, до крајот на неделава ќе отпатуваат за Истанбул. Ќе се преговара со Турски Боташ, државна компанија за пренос на гас за да се обезбедат одредени количиини од овој енергенс по поволна цена.
Од 15 Октомври ќе почне грејната сезона а сѐ уште е неизвесно дали ќе се набават потребните количини гас за скопските топлани. Од Макпетрол велат дека ЕСМ доставило до Макпетрол барање за понуда за набавка на гас за топланите за што од страна на Макпетрол уште истиот ден е позитивно одговорено. Имајќи предвид дека количините за природен гас се потврдуваат во тековниот месец за наредниот, од Макпетрол е доставена профактура за количините на гас за месец октомври за топланите Исток и Запад , но до денеска нема одговор од ЕСМ. Крајниот рок за потврдување на количините на гас од странскиот добавувач е 20 Септември велат од Макпетрол .
Освен за гас , во Турција ќе се преговара и за набавка на одредени количини електрична енергија. Но, од Владата се надвеаат дека за струја ќе се постигне и договор и со Бугарија. Преговорите со оваа земја се отежнати затоа што Бугарија е земја членка на ЕУ и не може да се постигне билатерален договор.
Сѐ уште не е постигнат договор ниту за цената по која би се испорачувала оваа струја. Барањето на македонската влада е еден мегавт да не чини повеќе од 180 евра.
Претходно Владата беше во посета и на Грција , каде се договори испорака на одреднеи количини на јаглен и мазут.