Министерот Бујар Османи на брифингот за активностите на МНР соопшти 4 амбасадорски имиња.
Нови амбасадори се Зулфи Исмаили во Брисел, кој и претходно бил дипломат во ЕУ мисијата во Брисел, а во моментот е советник за меѓународни работи во кабинетот на Османи.
Во престолнината на Анкара заминува поранешниот министер за одбрана и екс лидер на ЛДП Јово Манасиевски.
Актуелниот директор на тајната служба АНБ Виктор Димовски ќе биде амбасадор во Париз, Франција. Предлогот беше познат од порано, а ќе треба да се избере нов директор на Агенцијата за национална безбедност.
Ново име на листата е пратеникот Зекир Рамчиловиќ кој е избран за амбасадор во Подгорица, Црна Гора. Рамчиловиќ беше еден од 8-те пратеници на коалицијата на ВМРО-ДПМНЕ кои гласаа за уставните измени по Преспанскиот договор, а потоа беше избран за пратеник на листите на коалицијата на СДСМ.