Вести Македонија Најважни

Лиле Стефанова ќе ја менува Русковска додека трае суспензијата- за тоа кој ќе ги води нејзините две предистраги, Русковска дополнително ќе одлучи

Лиле Стефанова ќе ја менува Русковска додека трае суспензијата- за тоа кој ќе ги води нејзините две предистраги, Русковска дополнително ќе одлучи.

Не стивнуваат превирањата во највисоките обвинителски инстанци.

По суспензијата на Русковска, нејзиното место според годишниот план за распоред на обвинители ќе го превземе обвинителката Лиле Стефанова.

Стефанова ги водеше случаите Империја и Плацеви на Водно кои беа отпочнати во СЈО.

Русковска за Телма вели дека дополнително ќе одлучи кому ќе ги предаде двете предистраги кои ги води за работењето на финансиката полиција и истрагата за техничките центри при МВР.

Русковска, ја пишува и жалбата до советот на јавни обвинители против одлуката на државнито обвинител Љубомир Јовевски за нејзино оддалечување од предметите.

Директорот на финансиската полиција во оставка Арафат Муареми е недостапен за медиумите, владата ја чека неговата писмена оставка.

Обвинителката Елизабета Јосифовска која исто така е под дисциплинска постапка ни рече дека досега не добила официјално известување и дознава од медиумите, додека обвинителката Ивана Трајчева е на одмор.

Двете обвинителки со судска наредба по анонимна кривична пријава во јули извршија претрес во Финансиската полиција и во кабинетот на тогашниот директор Арафат Муареми по што овој поднесе претставки против нив и обвинителката Вилма Русковска.

Повеќе за превирањата во редовите на обвинителството и финансиската полиција со главни актери Вилма Русковска и Арафат Муареми во Вестите на Телма во 15:30 каде што на жешката тема гостува професорот по кривично право Гордан Калајџиев.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Уапсени тројца браќа за убиството во гостиварско Дебреше во полициска акција „Обрач“

Дејан Дејан

(ВИДЕО/ФОТО) Изгаснат пожар во Лисиче. Можел да зафати и куќи

Дејан Дејан

Триесет членови, 24 министерства и седум потпретседатедели – Црна Гора има нова влада

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе