Неизбежно е зголемување на цената на парното. Реално, според пресметките и цените на берзите таа треба да се зголеми за 150 отсто, вели првиот регулатор Марко Бислимoски, но тврди дека се презема сѐ за да се ублажи ценовниот шок. Новата цена ќе се знае во петок.
Тендерот за избор на нова компанија која ќе ги грее скопјани од октомви сѐ уште не е објавен. Тоа ќе се случи наредните денови и до крајот на септември ќе се знае точно дали тоа ќе го прави ЕСМ, или некоја друга компанија.
Од ЕСМ велат дека тие ги прават сите подготовки за да се јават на повикот. Ако оваа зима тие испорачуваат парно греење, првично ќе работат со сопствени капацитети, но ќе земат кадар и од БЕГ.
Пред извесен период регулаторна ги одзете трите лиценци на БЕГ поради тоа што компанијата не можеше да ги извршува услугите, затоа што цената на гасот на светските берзи енормно порасна. На крајот од 2021 парното греење поскапи за 14 проценти. Градско парно користат околу 60 илјади домаќинства.
Александар Петревски