Според пишувањето на медиумите во Шпанија, Барселона подготвува нова понуда до Баерн за реализација на трансферот на Роберт Левандовски.
Иако се уште нема официјална потврда Каталонците за полскиот репрезентативец се подготвени да платат обештетување од 40 милиони евра плус бонуси кои во зависност од личните и тимските постигнувања може да достигнат меѓу пет и 10 милиони.
Од спротивната страна нема никаков одговор иако во Германија се тврди дека Баерн постојано ја зголемува цената се со цел да го задржи Полјакот и во следната сезона па се споменуваат суми од 50 до 75 милиони евра.
Барселона сака да го комплетира трансферот до средината на јули за кога е закажан почетокот на подготовките за новата сезона.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.