Во пресрет на жрепката за фазата по групи на Светското првенство во ракомет, ИХФ ги објави имињата на двете репрезентации кои добија посебна покана за настап.
Во соопштението објавено од страна на Светската ракометна федерација, селекциите на Словенија и Холандија добија посебни покани за учество на претстојниот Мундијал што следната година ќе се одржи во Полска и Шведска.
За Холанѓаните ова ќе биде прво учество на шампионатите по 62 години откако во 1961-та ја освоија 11-тата позиција. ИХФ традиционално доделува само една покана, но овој пат повикани се две селекции од причина што Австралија не успеа да се пласира меѓу петте најдобри на шампионатот на Азија.
На жрепката на втори јули двете поканети селекции ќе бидат поставени во последниот сад.
ФОТО: Игор Паневски