Бранителот на трофејот Манчестер Сити, новата сезона во Премиер лигата што почнува на петти август ќе ја отвори со дуел против Вест Хем додека вицешампионот на Англија, Ливерпул ќе му гостува на новиот член на елитното друштво Фулам.
Новиот шампионат го отвораат градските ривали од Лондон, Кристал Палас и Арсенал додека Челзи со новото раководство стартува со гостување против Евертон.
Новиот менаџер на Манчестер Јунајтед, Ерик Тен Хаг ќе дебитира на Олд Трафорд на дуелот со Брајтон.
Новата сезона во Премиер лигата почнува на петти август и ќе трае до 28 мај, а поради Светскиот куп во Катар ќе биде прекината во периодот од 12 ноември до 21 декември.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.