Бордот на директори на кошаркарската Евролига донесе одлука да не им дозволи учество на клубовите од Русија, а нивното место во елитното натпреварување ќе го заземат Партизан и Валенсија.
За исфрлање на московска ЦСКА и Зенит од Санкт Петербург гласаа седум екипи од вкупно 11 кои имаат А лиценца, а двата нови тима во новата сезона ќе се натпреваруваат со специјална покана на организаторот.
Доколку Ненад Димитриевиќ остане во редовите на Валенсија и во следната сезона, Македонија ќе има еден играч што ќе биде дел од елитното кошаркарско натпреварување.
Според најновата одлука во сезоната 2022/2023 во Евролигата ќе се партиципираат 18 клуба, а три нови имиња се Виртус, Партизан и Валенсија.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.