Цените на основните прехрамбени производи се високи, се жалат битолчани и велат дека не очекуваат нивно драстично опаѓање со владините мерки „нула ДДВ“ и ограничена трговска маржа. Некои реагираат дека не секаде можат да ги најдат лебот, маслото, брашното и дека понекогаш наидуваат на испрзнети рафтови во малопродажба, па се принудени да обиколат повеќе колонијали за да се снабдат со се што им треба.
Не се полни рафотвите како што беа, но може да се најде. Ако земаме по едно по две ќе има за сите, вели битолчанка.
И од Органзиацијата на потрошувачи во Битола велат дека и кај нив граѓаните се жалат на високите цени, но и недостиг на некои од основните прехрамбени артикли.
Имаше поплака дека во дел од помалите маалски продавници го нема лебот на понуда на потрошувачите, така што и постари изнемоштени луѓе се принудени да одат подалку за да се обезбедат со еден таков основен производ во нивната исхрана, вели Снежана Димитровска од ОПМ Битола.
Граѓаните на фискаланитe сметки можат да проверат дали лебот, брашното, шеќерот, маслото, млекото, месото, оризот и јајцата се продаваат без Данок на додадена вредност. Надлежните најавија засилени инспекциски контроли дали трговците ги почитуваат владините антикризни мерки.
Емилија Мисирлиевска
