Инфлацијата во САД во февруари порасна за 7,9 отсто на годишна основа, објави Канцеларијата за статистика на Министерството за труд.
Тоа е најголемото забрзување на стапката на раст на потрошувачките цени од јануари 1982 година, кога американската економија се соочи со двојна закана – зголемување на инфлацијата и опаѓање на економскиот раст, јави Си-Ен-Би-Си.
На месечно ниво, растот на потрошувачките цени во февруари изнесува 0,8 отсто.
Економистите анкетирани од Дау Џонс предвидоа дека општата инфлација ќе се зголеми за 7,8 отсто на годишно ниво, а месечно за 0,7 отсто.
Цените на храната се зголемија за 1,0 отсто во однос на јануари, доде ка цените на енергијата водеа со пораст од 3,5 отсто и придонесоа околу една третина за вкупниот раст на инфлацијата.
Базичната инфлација, без нестабилните цени на храната и енергијата, се зголеми за 6,4 отсто на годишно ниво, што е највисоко ниво од август 1982 година. На месечна основа, базичната инфлација се зголеми за 0,5 отсто.