„Девизниот курс е стабилен. Девизните резерви се на високо ниво“ – рече вицегувернерката Ана Митреска во вечерашното гостување на Топ Тема. Што се однесува до проекциите за инфлацијата која во јануари достигна 6,7%, можно е да има нагорна корекција, но тоа зависи од времетраењето на кризата.
Последиците од војната во Украина за Македонија се индиректни и предизвикуваат раст на цените на енергенсите, житариците и металите, оценува вицегувернерката.
Митреска нагласува дека руските граѓани веќе ги чувствуваат економските санкции. Рубљата не може да го задржи својот курс бидејќи 40 одсто од руските девизни резерви се во земји што воведоа санкции. Инфлацијата во Русија ќе расте, а банките воведоа зголемување на каматните стапки од 9,5% на 20%.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.