Две години откако влезе во регионот со регионална канцеларија во Белград, Француската агенција за развој (ФАР) се надева дека наскоро ќе отвори и своја локална канцеларија во Македонија. Со годишен буџет од 200 до 300 милиони евра на ФАР за Западниот Балкан регионалниот директор Доминик Отберг денеска во Скопје ги презентираше можостите кои ги нуди најстарата развојна банка во светот, која делува во 115 земји во светот со 4.000 различни проекти.
Приоритетите на дејствување во моментов и се во делот животната средина, водите, енергетиката, урбаниот развој, но и унапредување на јавните политики, јавните претрпијатија, локалните самоуправи. Отберг во контекст на Македонија смета дека најприоритетно и е потребна помош во делот на животната средина, но ги спомена и сите други области во кои со помош на проектите финансирани од ФАР или заеми ќе се овозможи побрз економски и социјален развој на земјата, но и унапредување на законите кои треба да ја донесат земјата поблиску до ЕУ.
Договорот меѓу Македонија и Франција со кој е договорен влезот на Француската агнеција за развој во земјава беше потпишан пред пет недели.