Двочасовната средба на премиерот Заев, министрите Спасовски и Маричиќ со претставници на Алијанса на Албанците и Алтернатива заврши со надеж дека за една недела ќе се изнајде решение за Законот за државјанство со што ќе заврши и блокадата на законите што ја правеа овие две партии.
Села и Гаши не присуствуваа на средбата. Доколку не се постигне компромис тогаш е можно нивни вклучување во преговарачкиот процес.
ДУИ упати повик до опозицијата да не манипулира со лицата кои се без државјанство.
Опозициските партии од албанскиот политички блок предлагаат државјанство да може да се стекне со изјави од тројца сведоци што за власта беше неприфатливо. Договорено е да не се изготвува ново законско решение туку да се интервенира во рамките на постоечкото.
Јулијана Пешевска