Македонската женска ракометна репрезентација попладнево од 17 часот против Грција ќе го одигра последниот натпревар од квалификациите за влез во баражот за пласман на Светското првенство.
Нашата селекција по двете победи над Исланд и Литванија веќе го обезбеди настапот во следната фаза, а во пресрет на денешниот натпревар селекторот Симе Симовски се реши да направи една измена во составот.
Наместо првиот голмански избор Матеја Серафимова во тимот што ќе се спротивстави на Грција е Драгана Петковска, а во составот се враќа и Милица Николиќ која ќе го заземе местото на Ивана Гакидова.
Натпреварот почнува во 17 часот и ќе се игра во А1 арената Борис Трајковски.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.