Возач, медицинска сестра и тешко болен пациент од коронавирусот од Кочани се тешко повредени во сообраќајната несреќа во близина на селото Крупиште. Со тешки скршеници се примени во штипската Клиничка болница, но портпаролот Марина Шуманска вели дека по прегледот и поради сериозноста на повредите веднаш се хоспитализирани на трауматологија во Клинички центар во Скопје.
Сообраќајната несреќа се случила околу 9.30 часот на регионалниот пат Штип-Кочани кај селото Крупиште, според полицискиот увид дошло до судир меѓу камион, која работи на изградба на експресниот пат и возило на Итната медицинска помош од Кочани.
При вадење на повредените од возилото на Брзата помош интервенирале и штипските пожарникари.
Возач исто така на Брза помош, кој се движел со сопственото возило позади амбулантното возило вели дека ова не е прва ваква сообраќајка на овој патен правец, а причините се поради непочитување на правилата, но и на ротационите светла на амбулатните возила.
Викторија Јованова