За пратеник може да биде избрано лице кое има само македонско државјанство. Ова е предлогот што ВМРО ДПМНЕ го нуди во измените на Законот за пратеници а со цел да се заштити функцијата од секакви негативни влијанија на угледот на лице кое ќе биде избрано на непосредни избори.
СДСМ ќе го подржи законот.
ДУИ смета дека ваквото законско решение е дискриминаторско и веднаш ќе падне на Уставен суд , додека пратеничката група Алијанса на Албанците –Алетрнатива најави дека и овој закон ќе го блокираат со илјадници амандмани.
Бугарскиот вицепремиер Красимир Каракачанов вчера објави список со имиња кои асоцираат на македонски политичари од опозицијата за кои тврди дека имаат бугарски пасоши.Веста беше експресно демантирана од ВМРО ДПМНЕ од каде наведоа дека нивните членови со исти имиња немаат бугарско државјанство.
Јулијана Пешевска