По лошиот настап на Светското првенство во Египет, македонската машка ракометна репрезентација ги продолжува настапите во квалификациите за Европското првенство.
Во првите два официјални меча по учеството на Мундијалот, Македонија за противник ја има Данска, кој е главниот фаворит за освојување на првата позиција на табелата во нашата група.
“Не треба однапред да се предаваме и на секој натпревар мораме да се надеваме на победа. Данска е фаворит, но ние треба да одиграме на највисоко можно ниво, да влеземе во овој меч со голем мотив и да ја искористиме и најмалата шанса да направиме изненадување. Секако дека ќе биде тешко, но за нас е најважно да го поправиме впечатокот од настапот на последното Светско првенство. Ќе дадеме се од себе да одиграме најдобро што можеме. Поради нас, но и пред се поради сите љубители на ракометот во земјава да покажеме дека оваа генерација во иднина може да постигнува подобри резултати”, изјави Дејан Манасков.
ФОТО: Игор Паневски
