183 нови потврдени случаи на Ковид-19 од 1466 тестови, пишува во денешниот извештај на Институтот за јавно здравје, што е 12,48% од тестираните.
Починати се 6 луѓе – најмладиот на 45 години, а највозрасниот на 90 годишна возраст. Оздравени се 1731 пациенти во последното деноноќие.
Најмногу од новопотврдените случаи се регистрирани во Скопје – 85. Од другите градови со повисок број случаи се Кавадарци со 13 позитивни, и Тетово и Охрид по 10.
Останатите градови се со едноцифрен број нови потврдени. Во овој момент бројот на активни случаи во сите градови во земјата изнесува 9715.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.