Со мечот меѓу Филаделфија и Питсбург стартува новата, скратена сезона во Американско-канадската професионална хокеарска лига.
Тимовите во ова издание наместо стандардните 82 натпревари ќе одиграат 56 додека разигрувањето за титулата се очекува да се игра во стандардниот формат во кој ќе партиципираат 16 тима.
Според процените ваквото скратено издание на лигата на тимовите ќе им донесе загуба од една милијарда долари, а на негативното салдо дополнително ќе влијае фактот што мечевите ќе се играат без или пред ограничен број на гледачи.
“Свесни сме дека одигрувањето на сезоната ќе донесе големи загуби, но и покрај сите проблеми се договоривме лигата сепак да се одржи. НХЛ мора да продолжи да функционира и тоа е многу важно за овој спорт. Точно е дека на сите ни е полесно да се затвориме и да не играме бидејќи така загубите ќе бидат помали, но тоа не е добро за хокејот, тоа е лошо за ова натпреварување”, изјави комесарот на НХЛ, Гери Бетмен.
