Македонската машка одбојкарска репрезентација од денеска ги почнува квалификациите за пласман на Европското првенство.
Нашата селекција е во група со Босна и Херцеговина и Турција, а сите мечеви по откажувањето на Данска ќе се играат во Скопје во ВИП арената Борис Трајковски.
Во првиот дуел попладнево од 18 часот ќе се соочиме со селекцијата на Босна и Херцеговина, а в среда во истиот термин со дуелот против Турција ќе го комплетираме првиот круг на турнирот.
На 14 јануари ќе го одиграме вториот меч со Босна и Херцеговина, а в сабота во последното коло повторно противник ни е Турција.
Пласман во завршницата на континенталниот шампионат обезбедуваат победниците во секоја од квалификациските групи, а место има и петте најдобри од шесте конкуренции кои ќе ја освојат втората позиција.
ФОТО: Игор Паневски