Маурисо Покетино од денеска и официјално е нов тренер на ПСЖ. Аргентинецот седнува на клупата на „Паркот на принцовите“ на местото на отпуштениот Томас Тухел.
По една година пауза и отказот од Тотнем, Покетино `и се враќа на тренерската работа. Потпиша 18-месечен договор со францускиот шампион со можност истиот да биде продолжен на уште една сезона.
Првиот тренинг со тимот, Аргентинецот ќе го има утре, а ќе биде на клупата и на дуелот против Сент Етијен на 6.јануари во рамки на Лига 1.
Покетино се враќа во Париз по подолго време, бидејќи како фудбалер две сезони го носеше дресот на „светците“, од 2001 до 2003 година. ПСЖ ќе биде негов четврти тренерски ангажман, откако пет години го водеше Тотнем, а претходно работеше во Саутемптон и Еспањол.
