Поранешната пратеничка, Ѓулистана Марковска, во вечерашната Топ Тема, на прашањето дали идентитетските прашања треба да бидат дел од евроинтеграциите и подложни на вето на некоја земја членка, оцени дека тоа апсолутно не треба да се случува.
“Ние може да бидеме дел од ЕУ и да почнат преговорите, меѓутоа за идентитетот, за јазикот, за малцинствата кои се присутни секаде на Балканот и во сите земји, не можеме ние да преговараме” – оцени Марковска.
Таа посочи дека стравува од замки од било која држава, вклучително и Бугарија, додавајќи дека за неа подобро е Македонија да почека, затоа што како држава сме направиле се што треба, па дури и на сметка на своето достоинство.
“Ако е христијански кога ќе ви удрат шамар, вие да го свртите другиот образ, ние буквално дозволивме да не газат и повторно да викаме: “да, повелете” – оцени Марковска.
Таа изјави дека тоа не значи дека треба да се прекине со разговорите, туку да си ја устроиме државата.