Лажната вест дека рибите во Дојранското Езеро имаат паразити штетни по чековековото здравје ги вознемири дојранчани. Видеата коишто се шират деновиве низ социјалните мрежи шпекулираат дека во рибите караш, плашица и костреш има опасни паразити, на што реагираа и надлежните институции. Концесионерот на Дојранското Езеро ги покажа документите од последните контроли на Агенцијата за храна кои покажуваат дека рибите се безбедни.
Угостителите сметаат дека лажните вести се удар врз и онака кревката туристичка сезона. Според нив, непроверените информации се на штета на Дојран.
Надлежните потврдија дека се прават редовни контроли и досега нема забележано никаов проблем со заболување кај рибите.
Сузана Мицева