Пациенти во ковид центрите во земјава се борат за живот во болничките кревети и повеќе од од 40 денови. Зошто некои поминуваат полесно, а зошто некои повеќе и од 1,5 месец се на работ меѓу животот и смртта – медицинската наука се уште ги нема сите објаснувања. Од министерството за здравство велат во тек се анализи. Но дури по завршувањето на пандемијата, ќе се носат заклучоци по сите параметри. Инфектолозите сведочат дека состојбата кај некои пациенти се влошува преку ноќ. Имало и такви кои биле на чекор пред испишување од болница, па настанале други компликации. Највозрасниот пациент на инфективната клиника во Скопје има 96 години. А тој кој најдолго е таму под докторски надзор престојува 6 недели.
„Обично просекот на хоспитализација на пациенти со Ковид е 14 денови, но во зависност од тоа дали има компликации пациентите можат да останат во клиниката и над 4 недели. Кај нас се хоспитализирани пациентите во потешка форма. Највозрасениот пациент има 96 години, а најдолгата хоспитализација е 6 недели. Станува збор за пациент на средовечна возраст кај кој имаше многу тешка форма и компликации – Илир Демири, инфектолог на Инфективната клиника во Скопје.
Министерот Филипче вели вирусот е непредвидлив и се уште медицинската наука ги нема сите објаснувања. Комликациите се најчестата причина за пациентите да бидат задржани во болници и повеќе од 1,5 месец.
Бројките пак на министерството за здравство покажуваат дека во изминатото деноноќие 1.248 пациенти се хоспитализирани во инфективните оддели во земјава. 811 во болниџите во внатрешноста, а 437 во ковид центрите во Скопје. Голем дел од нив се на кислородна поддршка. И покрај големиот број на приеми и наплив на пациенти во последните десетина дена, од здравство велат дека има околку 175 празни болнички кревети.
Александра Филиповска