Секој втор брз ковид тест во Гостивар има позитивен резултат. За само 4 дена откако е воведен ваквиот начин на тестирање, со резултат кој се добива за 30 минути, направени биле вкупно 103 тестови во гостиварскиот Здравствен дом. Интересот на граѓаните е голем, бројот на тестови, пак лимитиран. Брзите тестови помагаат за рано детектирање на заразени, нивен соодветен третман и изолација.
Првично беше предвидено ваквото тестирање да се прави во објектот на Трудова медицина, но се изврши реорганизација и процесот се спроведува во Здравствениот дом, по 15 часот попладне. За Гостивар, Министерството за здравство за сега обезбедило вкупно 250 брзи тестови, кои не можат целосно да ги покријат потребите.
Гостивар изминатите недела дена е меѓу регионите со најмногу новозаразени на дневно ниво. Вчера беа регистрирани и 4 смртни случаи. Бројот на активно болни достигна околу 800. Ширењето на вирусот никако да стивне.
Данијела Билбилоска