Пред дуелот на двата најдобри тима во последниве сезони во Англија, Манчестер Сити и Ливерпул, тренерот Жозеп Гвардиола можеби ќе има еден проблем помалку во составувањето на тимот бидејќи постојат големи шанси на располагање да го има напаѓачот Серхио Агуеро.
Во моментов Гвардиола не може да смета на ниту еден класичен напаѓач бидејќи поради повреди надвор од конкуренција покрај Аргентинецот е и бразилскиот репрезентативец Габриел Жезус.
Агуеро се повреди пред една недела на дуелот против Вест Хем и првите прогнози на лекарите беа дека тој ќе биде надвор од терените најмалку три седмици, но рехабилитацијата очигледно оди подобро од предвиденото и постојат големи шанси аргентинскиот репрезентативец да биде во стартната постава за соочувањето со ривалот од Енфилд.