Светскиот рекордер во скок со стап Арман Дуплантис е еден од финалистите за освојување на наградата за најдобар атлетичар за 2020 година.
Најголем конкурент на Швеѓанецот за освојување на престижното признание ќе му биде Џошуа Чептеги од Уганда кој во скратеното издание на сезоната постави нови светски рекорди на пет и десет илјади метри кои беа сопственост на Кенениса Бекеле.
Меѓу номинираните се уште Американецот, Донован Бразиер кој настапува на 800 метри, Кениецот, Тимоти Чериот, американскиот натпреварувач во фрлање ѓуле, Рајан Крузер, светскиот првак во полумаратон Џејкоб Киплимо од Уганда, спринтерот од САД, Ноа Лајлс, фрлачот на диск Даниел Штал од Шведска, Норвежанецот, Карстен Вархолм и Германецот Јоханес Фетер.
Победникот ќе биде познат на петти декември, а за утре се очекува да бидат објавени и имињата на финалистките во женска конкуренција.