Штип по 35-ти пат ќе живее во ритамот на „Макфест“, но за првпат на отворено. Пандемијата ги натера организаторите сцената да ја постават на Градскиот плоштад, наместо во салата на Центарот за култура „Ацо Шопов“. Публиката вечерва заедно со осум познати македонски ѕвезди ќе ги пее макфестовските хитови, кои се испеани во изминатите три и пол децении.
Макфест ќе има само една фестивалска вечер, во сабота ќе се изведат 24 нови песни. Техничкиот директор на „Макфест“, Кирил Панајотов вели дека годинава нема да се додели наградата за најдобра интерпретација, бидејќи поради здравствените протоколи се бара секој пејач да има посебен микрофон.
Останува и познатата шоу програма, додека публиката гласа на финалната вечер, свое шоу годинава на јулибејот ќе има Игор Џамбазов со Гуру Харе. Организаторите велат дека предизвикот го прифатиле да го реализираат фестивалот и под посебни здравствени протоколи. Секое столче е на растојание од метар и половина, ќе има волонтери од општината и Црвениот крст, кои нема да дозволат групирање на публиката.
Викторија Јованова
