Демонстрантите во Бејрут се судрија со полицијата на антивладините протести по катастрофалната експлозија на пристаништето. Полицијата употреби солзавец за да ги растера демонстрантите кои ја обвинуваат владата дека нејзината неспособност доведе до експлозиајта во која загинаа 137 лица а речиси 5.000 беа повредени. Ескоплозијата уништи добар дел од градот а според проценките околу 300.000 лица останале без своите домови.
Потрагата по преживеани се уште продолжува но надежта дека ќе бидат пронајдени е се помала. Болничките капацитети, кои од претходно беа оптоварени поради пандемијата со коронавирусот, не можат да им ја пружат потребната медицинска помош на повредените.
По барање на Интерпол, кипарската полиција го пронашла и го сослушала 43-годишниот Русин, поранешен сопственик на бродската компанија, чив брод бил запленет заедно со товарот од амониум нитрат, објавија медиумите од островот.