Немањето протокол за безбедно одржување на тренинзи во затворен простор е причина поради која ракометарите на Вардар и Металург го пролонгираа стартот на подготовките за новата сезона.
Според најавите од Вардар, тренерот Стевче Алушовски за утре во 18 часот планира да го одржи првиот собир и е е предвидено тренингот да се одржи на отворено.
Ракометната федерација го испрати протоколот за одржување на тренинзи, но се уште се очекува негово одобрување од здравствените власти и токму поради тоа првите тренинзи ќе се одржат на отворено.
Стартот на подготовките го одложи и Металург, кој наместо на 20 овој месец со тренинзи ќе почне седум дена подоцна, а во истиот период се очекува со подготовки да почне и Еурофарм Пелистер.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.