Во третиот настап на Медитеранските игри, македонската машка ракометна репрезентација доживеа убедлив пораз во дуелот против селекцијата на Шпанија.
Нашите ракометари добро го отворија мечот, но беа рамноправни само во првите десетина минути од првиот дел кога на момент на два пати имаа предност од 3:2 и 4:3.
Потоа Шпанците успеаа целосно да ја преземат контролата и беа во постојано водство и од минута во минута ја зголемуваа предноста за на одмор да заминат со резултат 14:8.
Во почетната фаза од второто полувреме Шпанија ја одржуваше разликата од седум до осум гола, а на половина од продолжението стигнаа и до двоцифрена предност која во еден момент стигна и до 11 гола.
На крајот Шпанците до вториот триумф во групата стигнаа со конечни 31:22.
Најефикасен во македонскиот тим со осум гола беше Мартин Серафимов, а по два пати прецизни беа Иван Џонов, Марко Митев и Костадин Петров.
Утре репрезентацијата на Македонија ќе се соочи со репрезентацијата на Турција.
ФОТО: Игор Паневски