Од 22 јуни до 1 јули привремено ќе биде прекинат железничкиот сообраќај на повеќе линии во државата, поради завршни градежни работи на делницата Скопје – Зелениково, во рамките на проектот „Градски воз“, информираат од ЖРСМ Инфраструктура.
Во овој период нема да сообраќаат патничките возови на релациите Скопје – Гевгелија, Скопје – Битола и Битола – Велес, како и дел од возовите на линијата Скопје – Велес, при што се укинуваат повеќе редовни возни броеви во двата правци.
Од претпријатието апелираат до граѓаните навреме да ги планираат патувањата и да користат алтернативен превоз додека траат градежните активности на железничката инфраструктура.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.