Секторот за внатрешни работи Битола поднел кривична пријава до Основното јавно обвинителство Битола против Ј.С.(49) од Битола, полициски службеник во ПО Новаци, поради сомнение дека сторил кривично дело „безобѕирно управување со моторно возило”.
Како што соопшти МВР, на 24 октомври 2025 година околу 17:42 часот, пријавениот, надвор од работно време, на патот Битола – Новаци управувал патничко возило „хјундаи“ со битолски регистарски ознаки под дејство на алкохол, односно со 1,51 промили алкохол во крвта.
Притоа, тој предизвикал сообраќајна незгода, а делото е квалификувано согласно член 297-а став 1 од Кривичниот законик.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.